Xəbərlər
26 OKTYABR / 2023 / 13:51
ABŞ-ın “Xəzər Siyasət Mərkəzi”-nin (Caspian Policy Center) üzvləri Bakı Limanına səfər edib
Bu gün Xəzər regionu üzrə ixtisaslaşmış tanınmış beyin mərkəzi olan “Xəzər Siyasəti Mərkəzi”-nin nümayəndə heyəti Bakı Limanına səfər edib. Mərkəzin direktoru Efqan Niftinin rəhbərlik etdiyi nümayəndə heyətinə ABŞ-da Xəzər məsələləri üzrə baş elmi işçi Erik Rudenşiold, Böyük Britaniyanın Avropa və Mərkəzi Asiya üzrə Regional İqlim və Enerji elçisi David Moran daxil olub. Səfər zamanı nümayəndə heyəti Bakı Limanının Baş direktoru Taleh Ziyadov ilə görüşüb. Görüşdə Avropa və Asiya arasında mühüm rol oynayan “Orta Dəhliz”in artan rolu ilə bağlı müzakirələr aparıb, müasir logistika mərkəzi kimi Bakı Limanının regionda oynadığı mühüm roldan bəhs edilib.
Tərəflər həmçinin “Orta Dəhliz” boyu ilə yeni imkanları nəzərə alaraq regional təchizat zəncirlərinin və ticarət dinamikasının güclənməsi ilə Azərbaycandan keçəcək potensial marşrutları müzakirə ediblər. Bundan əlavə, nümayəndə heyəti limanın rəqəmsallaşma və davamlılıq təşəbbüsləri ilə tanış olub.
Digər xəbərlər
19 NOYABR / 2021 / 12:25
Avropa Komissiyasının Qonşuluq Siyasəti və Genişlənmə Danışıqları üzrə Baş direktorluğunun bölmə rəhbəri David Kullenin başçılıq etdiyi nümayəndə heyəti Bakı Limanında olub
06 IYUN / 2023 / 09:14
Bakı Limanının bir qrup rəhbər heyəti üçün “Liderlik potensialının gücləndirilməsi üçün qrup kouçinq” proqramı keçirilmişdir