Cəmiyyətin rəhbərliyi

Ziyadov Taleh Məhəmməd oğlu

Baş Direktor

1977-ci ildə Bakı şəhərində anadan olmuşdur.

2002-ci ildə ABŞ-ın Beliot Kollecində Biznesin təşkili və idarə olunması üzrə bakalavr dərəcəsi alıb.

2005-ci ildə ABŞ-ın Corctaun Universitetində Beynəlxalq münasibətlər və diplomatiya ixtisası üzrə magistr dərəcəsi alıb.

2015-ci ildə Böyük Britaniyanın Kembric Universitetində fəlsəfə doktoru elmi dərəcəsi alıb.

2006-2007-ci illərdə ABŞ-ın Vaşinqton şəhərində yerləşən Azərbaycan Ticarət Palatasında icraçı direktorun müavini vəzifəsində çalışıb.

2007-2012-ci illərdə ADA Universitetində müxtəlif vəzifələrdə çalışıb.

“Azərbaycan Mərkəzi Avrasiyada regional mərkəz kimi” kitabının, bir çox elmi məqalələrin müəllifi və “Beyond Resource Curse” kitabının redaktorlarından biridir.

Azərbaycan Respublikası Prezidentinin 17 noyabr 2014-cü il tarixli Sərəncamı ilə Bakı Beynəlxalq Dəniz Ticarət Limanının Baş direktoru vəzifəsinə təyin edilib.

Azərbaycan Respublikası Prezidentinin 18 mart 2015-ci il tarixli Sərəncamı ilə “Bakı Beynəlxalq Dəniz Ticarət Limanı” Qapalı Səhmdar Cəmiyyətinin Baş direktoru vəzifəsinə təyin edilib.

Evlidir, üç övladı var.