Xəbərlər

04 FEVRAL / 2024 / 09:27

Bakı Limanında Ələt məktəbliləri üçün robotik, kodlama və STEAM kursu fəaliyyətə başlayıb

“Roboport” adlı bu kurs şagirdlərə 21-ci əsr bacarıqlarını inkişaf etdirmək və gələcəyin texnologiya istehsalçıları yetişdirmək üçün fürsət verir. Bu layihə, uşaqlara erkən yaşlardan başlayaraq kodlaşdırma və texnologiya ilə əlaqəli əsas bilikləri öyrətməyə və inkişaf etdirməyə hədəflənib. “Gələcəyin mühəndisləri burada yetişir” sloqanı ilə fəaliyyət göstərən kurs müasir texnoloji avadanlıqlara təchiz edilib, iştirakçılar yerli və xarici peşəkar mütəxəssislər tərəfindən praktiki formada tədrisə cəlb ediləcək.

İlkin mərhələdə bu kursda yalnız Ələt qəsəbəsində yaşayan məktəblilər iştirak edir. Texnologiyaya olan marağı ilə fərqlənən şagirdlər xüsusi sorğu üsulu ilə seçilərək hər biri 12 nəfərdən ibarət olmaqla 3 qrup halında, 3-6 aylıq proqramda iştirak edəcək. Roboportu uğurla başa vuran şagirdlərə müvafiq diplom və sertifikatlar təqdim ediləcək.

Digər xəbərlər

05 NOYABR / 2021 / 12:26

Bakı Limanında şəhid olan liman əməkdaşlarının xatirəsini əbədiləşdirmək üçün inşa edilən abidə və park kompleksinin açılışı olub

16 DEKABR / 2022 / 15:22

Bakı Limanı və Azərbaycan Badminton Federasiyasının (ABF) birgə təşkilatçılığı ilə Ələt qəsəbəsində məktəblilər arasında əyləncəli badminton tədbiri təşkil olunub