Xəbərlər

Bu gün Braziliyanın Milli Sənaye Konfederasiyasının Ətraf Mühit və Dayanıqlı İnkişaf üzrə rəsmisi Davi Bomtemponun rəhbərlik etdiyi yüksək səviyyəli nümayəndə heyəti Bakı Limanına səfər edib. Görüşdə, Braziliya Federativ Respublikasının ölkəmizdəki fövqəladə və səlahiyyətli səfiri Manuel Adalberto Karlos Monteneqro Lopes da Kruz da iştirak etmişdir. Nümayəndə heyətini Bakı Limanının Baş direktoru, Taleh Ziyadov qarşılayıb. Müzakirələrdə Limanın Orta Dəhliz üçün yaşıllaşdırılma layihələri və onun qlobal əlaqədə əsas rolu müzakirə edilib. Braziliyanın Milli Sənaye Konfederasiyası Yaşıl Liman, Dayanıqlılıq, Ekoloji, sosial və korporativ idarəetmə (ESG) prinsipləri və Bakı Limanının karbon emissiyası azaldılması üçün yaşıl həllər üzrə təcrübəsi ilə bağlı bilik və fikir mübadiləsinə hazır olduqlarını bildirdi.

Görüş zamanı konfederasiya başda olmaqla Braziliyanın aparıcı özəl şirkətləri 2024-cü ilin noyabrında COP29 çərçivəsində Limanın ikinci fazasının genişləndirilməsi planı çərçivəsində potensial biznes imkanlarını araşdırmaq üçün Bakı Limanına səfər etməsi razılaşdırılmışdır. Braziliyanın ən böyük biznes platforması olan Milli Sənaye Konfederasiyası davamlı inkişafı təşviq edir və 27 dövlət federasiyasını və 200.000-dən çox müəssisəni təmsil edir.