Xəbərlər

“Roboport” adlı bu kurs şagirdlərə 21-ci əsr bacarıqlarını inkişaf etdirmək və gələcəyin texnologiya istehsalçılarını yetişdirmək üçün fürsət verir. Bakı Limanının təşəbbüsü ilə keçirilən bu layihədə uşaqlara erkən yaşlardan başlayaraq kodlaşdırma və texnologiya ilə əlaqəli əsas bilikləri öyrətmək və inkişaf etdirməyə hədəflənib. “Gələcəyin mühəndisləri burada yetişir” sloqanı ilə fəaliyyət göstərən kurs müasir texnoloji avadanlıqlara təchiz edilib, iştirakçılar yerli və xarici peşəkar mütəxəssislər tərəfindən praktiki formada tədrisə cəlb edilirlər.

2024-cü ilin fevral ayında başlayan ilk qrup avqust ayında məzun olub. Bu kursda 2 qrup olmaqla ümumilikdə 24 şagird iştirak etədib. İlk qrupun uğurlu başlanğıcından sonra, artıq yeni qrup dərslərinə başlanılıb. Yeni dövrə kursda iştirakla bağlı sorğuya ümumilikdə Ələt qəsəbəsindən 122 şagird qatılıb. Bu seçimdə 24 uşaq seçilıb. Qeyd edək ki, "Roboport" kursu, 7 moduldan ibarət olmaqla 6 ay müddətində davam edir. Hər bir modul, şagirdlərin müxtəlif bilik və bacarıq sahələrində inkişafı üçün nəzərdə tutulub. Kursun müddətdində iştirakçılar həm nəzəri, həm də praktiki biliklərə yiyələnirlər. Yeni qrupda olan hər bir şagirdə uğurlar arzu edirik!