Xəbərlər

Beləki, təkcə son 11 ildə Bakı Limanı vasitəsi ilə daşınan təkərli texnikaların (TIR) sayı 128 dəfə artıb. 2013-cü ildə Bakı Limanı vasitəsilə daşınan təkərli texnikaların sayı 452 ədəd olduğu halda, 2024-cü ildə bu rəqəm 128 dəfə artaraq 58 169 ədəd olub. 

Qeyd edək ki, 2018-ci ildə Cənab Prezident İlham Əliyevin iştirakı ilə Ələt qəsəbəsində Bakı Limanının birinci fazasının açılışı edilib. Regionun ən müasir logistika mərkəzi olan Bakı Limanının birinci fazası çərçivəsində inşa edilən Ro-Ro terminalının illik yükaşırma gücü 1.8 milyon tondur və 2 tənzimlənə bilən körpüdən ibarətdir. Bu körpülər vasitəsi ilə ağırtonnajlı yük avtomobillərinin gəmilərə yüklənilib-boşaldılması prosesi təhlükəsiz və operativ formada icra edilir.