Xəbərlər

8 Noyabr Zəfər Günü ərəfəsində Bakı Limanında şəhid ailələri və qazilərlə görüş keçirilib Bakı Limanının rəhbərliyi və kollektivi şəhid olan liman əməkdaşlarının ailələri  və limanda çalısan Vətən müharibəsi iştirakçıları ilə görüşüb. 

Bakı Limanında Azərbaycanın ərazi bütövlüyü və suverenliyi uğrunda döyüşlərdə şəhid olan qəhramanlarımızın əziz xatirəsi ehtiramla anılıb.

Bakı Limanın rəhbərliyi və kollektivi şəhidlərimizin əziz xatirəsini əbədiləşdirmək üçün ötən il Zəfər günü ərəfəsində açılan parka gedərək orada ucaldılan abidə kompleksini ziyarət ediblər. Daha sonra şəhid ailələri və qazilər ilə səmimi söhbət aparılıb, onların Zəfər günü təbrik olunub, fikirləri dinlənilib.

Allahdan bütün şəhidlərimizə rəhmət və qazilərə can sağlığı diləyirik.