Xəbərlər

20 Yanvar - Ümumxalq Hüzn Günü ilə bağlı Bakı Limanının əməkdaşları Şəhidlər Xiyabanını ziyarət edib. Bir digər qrup əməkdaş isə liman ərazisində Şəhidlərimizin xatirəsinə inşa edilən abidə və park kompleksinə baş çəkib. Azərbaycanın azadlığı, müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsi dərin ehtiramla yad edilib.

Həmçinin Bakı Limanının rəhbərliyi Şəhid olan Liman əməkdaşlarının ailə üzvləri ilə görüş keçirilib, Şəhid ailələrinin fikirləri dinlənilib.

Vətən yolunda canını fəda etmiş hər bir Şəhidimizə Uca Allahdan rəhmət diləyir, ailələrinə və yaxınlarına səbir arzulayırıq!