11 FEVRAL / 2025 / 17:31
Diplomatiya Könüllüləri Bakı Limanına səfər edib. Səfər çərçivəsində gənclər limanın fəaliyyət istiqamətləri, beynəlxalq ticarətdə oynadığı rol və müasir logistika sistemləri barədə geniş məlumat əldə ediblər. Tədbir zamanı könüllülərə nəqliyyat infrastrukturunun inkişafı, multimodal daşımaların əhəmiyyəti və rəqəmsal texnologiyaların logistika sahəsində tətbiqi ilə bağlı təqdimatlar keçirilib. Gənclər limanın əməliyyat proseslərini müşahidə edərək yük daşımalarının idarə olunması və logistika proseslərinin effektiv təşkili barədə ətraflı məlumat alıblar.
Bundan əlavə, könüllülərə ekoloji cəhətdən dayanıqlı nəqliyyat sistemlərinin əhəmiyyəti və "Yaşıl Liman" konsepsiyası haqqında məlumat verilib.
Səfərin sonunda könüllülər əldə etdikləri bilik və təcrübənin onların gələcək karyera inkişafında mühüm rol oynayacağını vurğulayıblar.
Digər xəbərlər
14 IYUN / 2024 / 17:01
Bakı Limanı üçün tikiləcək “Mühəndis Soltan Kazımov” adına dibdərinləşdirən gəminin Bakı Gəmiqayırma Zavodunda ilk polad lövhəsinin kəsilmə mərasimi baş tutub
23 DEKABR / 2022 / 22:18
Bakı Limanı Ələtdə yaşayan uşaqlar üçün Dünya Azərbaycanlılarının Həmrəylik Günü və Yeni il münasibəti ilə bayram şənliyi təşkil edib
