Xəbərlər

COP29 çərçivəsində “Yaşıl Şəhər” adı altında media turlar təşkil olunur. Azərbaycanın "Yaşıl Şəhər" layihələri çərçivəsində həyata keçirilən innovativ dəyişikliklər və dayanıqlı inkişaf sahəsindəki təşəbbüsləri daha yaxından tanımaq imkanı verən bu turlar çərçivəsində ilk xarici jurnalistlər Bakı Limanına səfər edib. 

Bu tur zamanı, jurnalistlər Bakı Limanının dekarbonizasiya strategiyası və "Yaşıl Liman" layihələrinin əhəmiyyəti haqqında məlumatlar əldə ediblər. Limanın ekoloji məsuliyyətli fəaliyyətləri, bərpa olunan enerji mənbələrinin istifadəsi və karbon izinin azaldılması istiqamətində görülən işlər barədə geniş məlumat verilib. Qonaqlar, limandakı müxtəlif terminallarda iş proseslərini izləyərək, müasir texnologiyaların və innovativ yanaşmaların bu sahədə necə tətbiq edildiyini müşahidə ediblər.